Benvidos/as!
Como foron as festas? Esperemos que veñades con moita forza
para este novo trimestre que comeza, con moitas ganas de ler, aprender e
convivir no IES A Sangriña.
Desta volta vimos con moitas iniciativas, que iremos aos
poucos anunciando. Retomaremos as lecturas colaborativas entre o noso IES e o
CEIP A Sangriña, a onde levaremos contos en diferentes linguas e incluso
acompañaremos con temas musicais. Teremos presentación de novidades editoriais
cos seus autores, e moito, moito máis! Até teremos novidades físicas na nosa
Biblioteca que xa iredes vendo co paso das semanas.
Coma sempre, a biblioteca tamén é vosa, podedes propor todas
as actividades que queirades, podedes enviar relatos e historias para pór no
blogue e podedes seguir vindo cada recreo coller novos libros cos que vivir una
chea de experiencias e transportavos ás épocas máis remotas.
De novo, benvidos/as e moi feliz ano!
Ningún comentario:
Publicar un comentario